Rossiya futbol ittifoqi faxriy prezidenti Vyacheslav Koloskov Yevropa sudi qarori haqida gapirdi. Unda aytilishicha, UYEFAning pozisiyasiga qaramay, Yevropa Superligasi mavjud bo‘lish huquqiga ega.
Koloskov Yevropa sudi qarorini kutilmagan deb atadi. Uning so‘zlariga ko‘ra, dastlabki eshituvlar davomida sud UYEFA tomonida bo‘lgandek tuyuldi.
Shu bilan birga, Koloskov Superliganing mumkin bo‘lgan salbiy oqibatlarga, jumladan, Rossiya futboliga ham ishora qildi.
"Menimcha, bu qaror va Superliganing tashkil etilishi tufayli UYEFA kambag‘al bo‘lib qolishi va rivojlanish dasturi to‘xtab qolishi mumkin.
Bu Rossiya futboli uchun ham yomon bo‘ladi, chunki bizni Superligaga albatta taklif qilishmaydi va shu sababli pulning bir qismini olmaymiz", - deya Koloskovning so‘zlarini keltiradi TASS.
