“Atletiko” Yevropa sudining Yevropa Superligasini tashkil etishga ruxsat bergan qaroriga munosabat bildirdi.
Bayonotda "Atletiko"ning ta’kidlashicha, UYEFAni monopolist deb atash mumkin emas, chunki Yevropa klublari assosiasiyasi bilan hamkorlik doirasida musobaqa formatlari, homiylik bitimlari va boshqalar bo‘yicha qarorlar "50/50" formatida qabul qilinadi. Ya’ni qarorlar 50% klublarga bog‘liq.
“Evropa futbol oilasi Superligani xohlamaydi. Germaniya, Fransiya, Angliya, Italiya, Ispaniya ("Real Madrid" va "Barselona"dan tashqari) va boshqa davlatlarga Superliga kerak emas. Biz Yevropa futbolining buyuk oilasi himoyasi tarafdorimiz”, — deyiladi bayonotda.
