“Aтлетико” Европа судининг Европа Суперлигасини ташкил этишга рухсат берган қарорига муносабат билдирди.

Баёнотда "Aтлетико"нинг таъкидлашича, УЕФAни монополист деб аташ мумкин эмас, чунки Европа клублари ассоциацияси билан ҳамкорлик доирасида мусобақа форматлари, ҳомийлик битимлари ва бошқалар бўйича қарорлар "50/50" форматида қабул қилинади. Яъни қарорлар 50% клубларга боғлиқ.

“Европа футбол оиласи Суперлигани хоҳламайди. Германия, Франция, Aнглия, Италия, Испания ("Реал Мадрид" ва "Барселона"дан ташқари) ва бошқа давлатларга Суперлига керак эмас. Биз Европа футболининг буюк оиласи ҳимояси тарафдоримиз”, — дейилади баёнотда.