Insayder Fabrisio Romano “Real” va “Barselona” klublarining Yevropa Superligasini tashkil etish borasidagi niyatlari haqida ma’lumot berdi.
Ikki La Liga giganti turnirni tashkil etish g‘oyasining asosiy tarafdorlari bo‘lib qolmoqda, ayni paytda top-chempionatlarning ko‘plab boshqa klublari loyihani qo‘llab-quvvatlamasliklarini rasman ma’lum qilishgan. Romanoning so‘zlariga ko‘ra, rasmiylar va butun futbol jamoatchiligining unchalik ijobiy bo‘lmagan munosabatiga qaramay, “Real” va “Barselona” o‘z pozisiyalarida turib olishda davom etadilar, payshanba kungi voqealar esa katta dostonning boshlanishi xolos.
Eslatib o‘tamiz, Superliga formatida 64 ta jamoa ishtirok etadi va ular uchta divizionga bo‘linadi. Turnir 2025 yilda boshlanishi mumkin.
