Инсайдер Фабрицио Романо “Реал” ва “Барселона” клубларининг Европа Суперлигасини ташкил этиш борасидаги ниятлари ҳақида маълумот берди.

Икки Ла Лига гиганти турнирни ташкил этиш ғоясининг асосий тарафдорлари бўлиб қолмоқда, айни пайтда топ-чемпионатларнинг кўплаб бошқа клублари лойиҳани қўллаб-қувватламасликларини расман маълум қилишган. Романонинг сўзларига кўра, расмийлар ва бутун футбол жамоатчилигининг унчалик ижобий бўлмаган муносабатига қарамай, “Реал” ва “Барселона” ўз позицияларида туриб олишда давом этадилар, пайшанба кунги воқеалар эса катта достоннинг бошланиши холос.

Эслатиб ўтамиз, Суперлига форматида 64 та жамоа иштирок этади ва улар учта дивизионга бўлинади. Турнир 2025 йилда бошланиши мумкин.