"Neftchi" yangi mavsum uchun tarkibni kuchaytirishda davom etadi. Bugun tajribali futbolchi Javohir Qahramonov "Neftchi" klubi bilan shartnoma imzoladi va yangi mavsumda yarim himoyachi ampluasida harakat qiladigan bo‘ldi.
Ma’lumot uchun, Javohir Qahramonov o‘tgan mavsumni Superliga vakili Jizzaxning “So‘g‘diyona” jamoasida o‘tkazdi. Futbolchi mavsum davomida jami 25 uchrashuvda 2243 daqiqa harakat qilib, 6 ta gol urdi va 2 golga assistentlik qildi.
J.Qaxramonov jizzaxliklar tarkibida to‘rt yillik faoliyat yuritib, 101 uchrashuvda maydonga chiqdi va 19 ta gol urishga muvaffaq bo‘ldi. Bundan tashqari futbolchi "Obod"," Dinamo", "Buxoro" va "Bunyodkor" kabi klublardagi faoliyati orqali muxlislarga tanish bo‘lib ulgurgan.
Javoxir Qaxramonov "Neftchi" bilan shartnoma izolagach: "Neftchi" qanday klubligini yaxshi bilaman, Farg‘onaga medallar uchun kurashish uchun keldim, tez orada farg‘onalik muxlislarga olam olam quvonch ulashish uchun qo‘limdan kelgancha harakat qilaman! "Neftchi" OLG‘A!" - dedi Qahramonov.
"Jamoamiz va ko‘p sonli muxlislarimiz nomidan Javohir Qahramonovga "Neftchi"dagi faoliyatida omad va zafarlar tilab qolamiz!" - deyiladi farg‘onaliklar bayonotida.
