"Нефтчи" янги мавсум учун таркибни кучайтиришда давом этади. Бугун тажрибали  футболчи Жавоҳир Қаҳрамонов  "Нефтчи" клуби билан шартнома имзолади ва янги мавсумда ярим ҳимоячи амплуасида ҳаракат қиладиган бўлди.

Маълумот учун, Жавоҳир Қаҳрамонов ўтган мавсумни  Суперлига вакили   Жиззахнинг “Сўғдиёна” жамоасида ўтказди. Футболчи  мавсум давомида  жами 25 учрашувда 2243 дақиқа  ҳаракат қилиб, 6 та гол урди ва 2 голга ассистентлик қилди.

Ж.Қахрамонов жиззахликлар таркибида тўрт йиллик фаолият юритиб, 101 учрашувда майдонга чиқди ва 19 та гол уришга муваффақ бўлди. Бундан ташқари футболчи  "Обод"," Динамо", "Бухоро" ва "Бунёдкор" каби  клублардаги фаолияти орқали мухлисларга таниш бўлиб улгурган.

Жавохир Қахрамонов "Нефтчи" билан шартнома изолагач: "Нефтчи" қандай клублигини яхши биламан,  Фарғонага медаллар учун курашиш учун келдим,  тез орада фарғоналик мухлисларга олам олам қувонч улашиш учун қўлимдан келганча ҳаракат қиламан! "Нефтчи" ОЛҒА!" - деди Қаҳрамонов.

"Жамоамиз ва кўп сонли мухлисларимиз номидан Жавоҳир Қаҳрамоновга "Нефтчи"даги фаолиятида омад ва зафарлар тилаб қоламиз!" - дейилади фарғоналиклар баёнотида.