"Napoli" yarim himoyachisi Pyotr Zelinski neapolliklar bilan yangi shartnoma tuzishdan bosh tortdi.
La Gazette Dello Sport xabariga ko‘ra, polyak klub rahbariyatiga keyingi mavsumdan boshlab "Napoli"da o‘ynamasligini ta’kidlagan. Xabar qilinishicha, parfenopiyaliklar yiliga to‘rt yarim million yevro maosh taklif qilishgan, bu Zelinskining amaldagi shartnomasidan 1 millionga ko‘p. Shuningdek, “Inter” yarim himoyachini qo‘lga kiritish uchun “Yuventus”ga qarshi kurashda g‘alaba qozonayotgani ma’lum.
Eslatib o‘tamiz, Zelinski 2016 yildan buyon "Napoli"da o‘ynab kelmoqda, u klub bilan chempionlik va Italiya kubogini qo‘lga kiritgan.
