Xavi va Joan Laporta joriy mavsumda ikkita chempionlikni qo‘lga kiritishni maqsad qilgan.
"Barselona" prezidenti va bosh murabbiyi so‘nggi paytlarda eng yaxshi natijalarga erishmaganiga qaramay, optimist bo‘lib qolishga harakat qilmoqda.
AS xabariga ko‘ra, Laporta ham, Xavi ham yanvar oyida bo‘lib o‘tadigan Ispaniya Superkubogi jamoa uchun burilish nuqtasi bo‘lishiga ishonchi komil.
Ushbu turnirda g‘alaba qozonish hayotiy zarurat sifatida qaralmoqda. Bu trofeyni qo‘lga kiritish klubdagi bosimni yumshatishi kerak.
Shu bilan birga, murabbiy ham, prezident ham birgina unvon bilan qanoatlanmaydi. Ular "Barselona" o‘tgan mavsumdagidek ikkita sovrin yutishi mumkinligiga ishonishadi. "Blaugrana"ning asosiy maqsadi mamlakat Superkubogi va La Ligada g‘alaba qozonish. Ispaniya kubogi ham juda ijobiy qabul qilinadi.
Chempionlar ligasi haqida gap ketganda, yagona talab - eng yuqori saviyada o‘yin ko‘rsatish va pley-off bosqichlarini munosib va professionallik bilan bosib o‘tish.
Xavi mavsum oxirigacha birorta sovrin yutmasa, o‘z lavozimidan chetlatilishini tushunadi.
“Barselona” ayni damda La Liganing 18-turidan keyin 38 ochko bilan turnir jadvalida 3-o‘rinda bormoqda. Klub “Real” va “Jirona”dan 7 ochkoga ortda qolmoqda.
