"Las-Palmas"ning 24 yoshli qanot himoyachisi Serxi Kardona faoliyatini Ispaniyaning boshqa jamoasida davom ettirishi mumkin, deb xabar bermoqda "Todofichajes" jurnalistlari.
Manbaning xabariga ko‘ra, "Atletiko Madrid" lateral bilan shartnoma imzolamoqchi. Kardonaning potensial transferi 3 million yevroga baholanmoqda. Himoyachining “Las-Palmas” bilan amaldagi mehnat shartnomasi 2024 yilning yozida yakuniga yetadi.
Ispaniya chempionatining joriy mavsumida Kardona 17 uchrashuvda ishtirok etdi. Himoyachi oltita sariq kartochka oldi.