"Лас-Пальмас"нинг 24 ёшли қанот ҳимоячиси Серхи Кардона фаолиятини Испаниянинг бошқа жамоасида давом эттириши мумкин, деб хабар бермоқда "Todofichajes" журналистлари.
Манбанинг хабарига кўра, "Атлетико Мадрид" латераль билан шартнома имзоламоқчи. Кардонанинг потенциал трансфери 3 миллион еврога баҳоланмоқда. Ҳимоячининг “Лас-Пальмас” билан амалдаги меҳнат шартномаси 2024 йилнинг ёзида якунига етади.
Испания чемпионатининг жорий мавсумида Кардона 17 учрашувда иштирок этди. Ҳимоячи олтита сариқ карточка олди.