"Real Madrid" bosh skauti Xuni Kalafat yangi markaziy himoyachi qidirishni boshladi. Bu haqda "Marca" nashri xabar berdi.
Klub g‘oyasi - "Real Madrid" tizimida uzoq yillar qoladigan iqtidorli yosh futbolchi bilan shartnoma imzolash.
Klub avvaliga yanvar oyida himoyachi bilan shartnoma imzolashga qarshi edi, garchi David Alaba xoch bog‘lamlarini yirtib olib, mavsumning qolgan qismida maydonga tushmaydigan bo‘lsa ham. Biroq Nachoning so‘nggi o‘yinlari rahbariyatda katta shubha uyg‘otdi: “Alaves”ga qarshi o‘yinda u qo‘pol o‘ynagani uchun ikkinchi diskvalifikasiyani oldi, uning Ryudiger bilan o‘zaro munosabati esa ishonchni uyg‘otmaydi.
Mish-mishlarga qaramay, "Los-Blankos" Rafael Varanni qayta sotib olish yoki Rafa Marinni "Alaves"dagi ijara muddatidan qaytarish haqida o‘ylamayapti. Kalafat ilgari "Real"da o‘ynamagan yangi futbolchi qidirmoqda.
"Real Madrid"da himoyaviy o‘yinchilar bilan bog‘liq vaziyat haqiqatdan ham juda jiddiy. Nacho diskvalifikasiya qilinganidan keyin Karlo Anchelotti uchun yagona markaziy himoyachi Antonio Ryudiger bo‘lib qoldi.
Sizningcha jamoaga hozirda qaysi himoyachi mos tushadi?
