"Реал Мадрид" бош скаути Хуни Калафат янги марказий ҳимоячи қидиришни бошлади. Бу ҳақда "Marca" нашри хабар берди.

Клуб ғояси - "Реал Мадрид" тизимида узоқ йиллар қоладиган иқтидорли ёш футболчи билан шартнома имзолаш.

Клуб аввалига январь ойида ҳимоячи билан шартнома имзолашга қарши эди, гарчи Давид Алаба хоч боғламларини йиртиб олиб, мавсумнинг қолган қисмида майдонга тушмайдиган бўлса ҳам. Бироқ Начонинг сўнгги ўйинлари раҳбариятда катта шубҳа уйғотди: “Алавес”га қарши ўйинда у қўпол ўйнагани учун иккинчи дисквалификацияни олди, унинг Рюдигер билан ўзаро муносабати эса ишончни уйғотмайди.

Миш-мишларга қарамай, "Лос-Бланкос" Рафаэль Варанни қайта сотиб олиш ёки Рафа Маринни "Алавес"даги ижара муддатидан қайтариш ҳақида ўйламаяпти. Калафат илгари "Реал"да ўйнамаган янги футболчи қидирмоқда.

"Реал Мадрид"да ҳимоявий ўйинчилар билан боғлиқ вазият ҳақиқатдан ҳам жуда жиддий. Начо дисквалификация қилинганидан кейин Карло Анчелотти учун ягона марказий ҳимоячи Антонио Рюдигер бўлиб қолди.

Сизнингча жамоага ҳозирда қайси ҳимоячи мос тушади?