"Sevilya" himoyachisi Serxio Ramos jamoaning 2023 yilgi natijalarini sarhisob qildi.

“Biz yilni shunday yakunlamoqchi emasdik, lekin oxirigacha kurashdik. Endi hisob-kitob qilish vaqti keldi. Biz 2024 yilda faoliyatni davom ettirish va o‘sishga e’tibor qaratmoqdamiz. Yaxshilash kerak bo‘lgan narsalar bor va buni biz birgalikda qilamiz”, - deb yozdi futbolchi ijtimoiy tarmoqlarida.

Joriy mavsumda 37 yoshli himoyachi qizil-oqlar safida barcha turnirlarda 15 ta o‘yin o‘tkazib, 4 ta gol va 1 ta golli uzatmani amalga oshirdi.

18 turdan keyin “Sevilya” 16 ochko bilan La Liga turnir jadvalida 15-o‘rinda bormoqda. Ispaniya jamoasi Chempionlar ligasida “B” guruhida so‘nggi o‘rinni egalladi va yevrokuboklardan chiqib ketdi.