"Севилья" ҳимоячиси Серхио Рамос жамоанинг 2023 йилги натижаларини сарҳисоб қилди.
“Биз йилни шундай якунламоқчи эмасдик, лекин охиригача курашдик. Энди ҳисоб-китоб қилиш вақти келди. Биз 2024 йилда фаолиятни давом эттириш ва ўсишга эътибор қаратмоқдамиз. Яхшилаш керак бўлган нарсалар бор ва буни биз биргаликда қиламиз”, - деб ёзди футболчи ижтимоий тармоқларида.
Жорий мавсумда 37 ёшли ҳимоячи қизил-оқлар сафида барча турнирларда 15 та ўйин ўтказиб, 4 та гол ва 1 та голли узатмани амалга оширди.
18 турдан кейин “Севилья” 16 очко билан Ла Лига турнир жадвалида 15-ўринда бормоқда. Испания жамоаси Чемпионлар лигасида “B” гуруҳида сўнгги ўринни эгаллади ва еврокубоклардан чиқиб кетди.
