Qilichbozlikning sablya yo‘nalishi bo‘yicha O‘zbekiston terma jamoasi yetakchilari, yakkalik dasturda Parij-2024 yo‘llanmasi uchun kurash olib borayotgan Zaynab Dayibekova, Sherzod Mamutov hamda Musa Aymuratov Vengriyaga yo‘l olishdi. Hamyurtlarimiz ushbu shaharda xalqaro o‘quv-yig‘in mashg‘ulotida ishtirok etishadi.
Xalqaro qilichbozlik federasiyasi taqvimiga ko‘ra, Budapesht 6-7-yanvar kunlari yoshlar o‘rtasidagi Jahon kubogi bosqichiga mezbonlik qiladi.
Mazkur musobaqa doirasida M.Aymuratov o‘z omadini sinab ko‘radi. Vengriya yig‘ini yakuniga yetganidan so‘ng yurtdoshlarimiz 10-yanvar kuni Tunisda o‘tadigan kattalar o‘rtasidagi Gran-pri turniriga yo‘l olishadi.