CIES Football xalqaro sport tadqiqotlari markazi o‘tgan yildagi eng yaxshi beshta hujumkor yarim himoyachilar ro‘yxatini e’lon qildi.
Manbaga ko‘ra, o‘z pozisiyasida eng yaxshi futbolchi - "Manchester Yunayted"dan Bruno Fernandesh bo‘ldi.
Ikkinchi o‘rinni Federiko Valverde (“Real”) egallagan bo‘lsa, kuchli uchlikka Ilkay Gyundogan (“Barselona”) yakun yasadi.
E’tibor bering, “Manchester Siti”ning ikki futbolchisi kuchli beshlikdan joy oldi: Bernardu Silva va Xulian Alvares.
Joriy mavsumda 29 yoshli Bruno Fernandesh barcha turnirlarda 24 ta uchrashuvda qatnashib, 5 ta gol urdi va 5 ta golli uzatmani amalga oshirdi.
