Yarim himoyachi Renatu Sanshesh tez orada o‘ziga yangi klub izlashiga to‘g‘ri keladi.
26 yoshli futbolchi mavsum oxirigacha "Roma" tomonidan ijaraga olingan, ammo rimliklar rahbariyati portugaliyalik bilan hamkorlikni erta yakunlamoqchi. Jurnalist Santi Aunaning so‘zlariga ko‘ra, "PSJ" "Roma" talab qilganidek, yanvar oyida Sansheshni ijarasidan qaytarib olishiga qarshi emas, ammo futbolchi uchun yangi klub topilsagina buni amalga oshiradi. Agent Jorje Mendesh qishki transfer oynasi yopilguniga qadar mijozi uchun mos variantlarni topishga harakat qiladi.
Renatu “Roma” safida 9ta o‘yinda qatnashdi. Futbolchining hisobida bitta gol bor.