Parijliklar yanvar oyidagi transferlar vaqtida "Manchester Yunayted" yarim himoyachisi Kazemiro va "qizil iblislar" vingeri Jeydon Sanchoni sotib olish haqida o‘ylamayapti. Bu haqda jurnalist Ben Jeykobs ijtimoiy tarmoq orqali xabar berdi.
Manbaga ko‘ra, klublar o‘rtasida shunga o‘xshash transferlarni amalga oshirishga qaratilgan muay’yan aloqalar bo‘lgan, ammo yakunda "PSJ" "Manchester Yunayted" futbolchilarini sotib olishdan bosh tortishga qaror qilgan.
Eslatib o‘tamiz, bu mavsumda Kazemiro barcha turnirlarda 12 ta o‘yinda qatnashib, 4 ta gol va bitta golli uzatmani amalga oshirgan. O‘z navbatida Sancho "qizil iblislar" bosh murabbiyi Erik ten Xag bilan uzoq davom etgan mojarodan so‘ng, avgust oyidan beri maydonga tushmayapti. Joriy mavsumda u uchta o‘yinda qatnashib, gol ura olmadi.
