Парижликлар январь ойидаги трансферлар вақтида "Манчестер Юнайтед" ярим ҳимоячиси Каземиро ва "қизил иблислар" вингери Жейдон Санчони сотиб олиш ҳақида ўйламаяпти. Бу ҳақда журналист Бен Жейкобс ижтимоий тармоқ орқали хабар берди.
Манбага кўра, клублар ўртасида шунга ўхшаш трансферларни амалга оширишга қаратилган муайъян алоқалар бўлган, аммо якунда "ПСЖ" "Манчестер Юнайтед" футболчиларини сотиб олишдан бош тортишга қарор қилган.
Эслатиб ўтамиз, бу мавсумда Каземиро барча турнирларда 12 та ўйинда қатнашиб, 4 та гол ва битта голли узатмани амалга оширган. Ўз навбатида Санчо "қизил иблислар" бош мураббийи Эрик тен Хаг билан узоқ давом этган можародан сўнг, август ойидан бери майдонга тушмаяпти. Жорий мавсумда у учта ўйинда қатнашиб, гол ура олмади.
