Londonning “Chelsi” klubi hujumchisi Kristofer Nkunku “Kristal Pelas”ga qarshi kechgan va “ko‘klar”ning 2:1 hisobidagi g‘alabasi bilan yakunlangan o‘yin natijalarini sarhisob qildi.
Fransiyalik futbolchi ilk bor “Chelsi”ning asosiy tarkibida maydonga tushdi va jamoasiga uch ochkoni qo‘lga kiritishiga yordam berdi.
“O‘ylashimcha, biz ko‘proq gol urishimiz mumkin edi. Eng muhimi, uch ochkoni qo‘lga kiritdik. O‘zimni yaxshi his qilyapman va o‘yindan keyin hech qanday muammo yo‘q.
Biz bor e’tiborimizni olg‘a siljishga qaratganmiz”, dedi Nkunku “Chelsi” rasmiy saytiga. Eslatib o‘tamiz, Nkunku zaxiradan maydonga tushganidan so‘ng APLdagi debyut uchrashuvida "Vulverxempton" darvozasiga gol urgan edi. Biroq o‘sha uchrashuvda “Chelsi” 1:2 hisobida mag‘lub bo‘ldi.
