Лондоннинг “Челси” клуби ҳужумчиси Кристофер Нкунку “Кристал Пэлас”га қарши кечган ва “кўклар”нинг 2:1 ҳисобидаги ғалабаси билан якунланган ўйин натижаларини сарҳисоб қилди.
Франциялик футболчи илк бор “Челси”нинг асосий таркибида майдонга тушди ва жамоасига уч очкони қўлга киритишига ёрдам берди.
“Ўйлашимча, биз кўпроқ гол уришимиз мумкин эди. Энг муҳими, уч очкони қўлга киритдик. Ўзимни яхши ҳис қиляпман ва ўйиндан кейин ҳеч қандай муаммо йўқ.
Биз бор эътиборимизни олға силжишга қаратганмиз”, деди Нкунку “Челси” расмий сайтига. Эслатиб ўтамиз, Нкунку захирадан майдонга тушганидан сўнг AПЛдаги дебют учрашувида "Вулверхэмптон" дарвозасига гол урган эди. Бироқ ўша учрашувда “Челси” 1:2 ҳисобида мағлуб бўлди.
