"PSJ" hujumchisi Kilian Mbappening kelajagi haqida ma’lumotlar paydo bo‘ldi.

Insayder Xose Villyarroyaga ma’lum bo‘lishicha, 24 yoshli forvard "Real"ga o‘tmaydi. U parijliklar safida o‘ynashda davom etadi.

Ilgari matbuotda Mbappening "qirollik" klubiga o‘tishi mumkinligi haqida bir necha bor xabarlar tarqalgan edi, biroq kelishuv doimo barbod bo‘ldi.

Kilian va "PSJ" o‘rtasidagi amaldagi shartnoma 2024 yilning yozida yakuniga yetadi. Transfermarkt portali ekspertlari hujumchining narxini 180 million yevroga baholamoqda. Joriy mavsumda forvard 22 ta o‘yinda maydonga tushib, 21 ta gol va 2 ta golli uzatmaga mualliflik qilgan.