"ПСЖ" ҳужумчиси Килиан Мбаппенинг келажаги ҳақида маълумотлар пайдо бўлди.
Инсайдер Хосе Вилляррояга маълум бўлишича, 24 ёшли форвард "Реал"га ўтмайди. У парижликлар сафида ўйнашда давом этади.
Илгари матбуотда Мбаппенинг "қироллик" клубига ўтиши мумкинлиги ҳақида бир неча бор хабарлар тарқалган эди, бироқ келишув доимо барбод бўлди.
Килиан ва "ПСЖ" ўртасидаги амалдаги шартнома 2024 йилнинг ёзида якунига етади. Трансфермаркт портали экспертлари ҳужумчининг нархини 180 миллион еврога баҳоламоқда. Жорий мавсумда форвард 22 та ўйинда майдонга тушиб, 21 та гол ва 2 та голли узатмага муаллифлик қилган.
