"Real" bosh murabbiyi Karlo Anchelotti Madrid klubi bilan shartnomasini uzaytirdi, deb xabar beradi Relevo.
Manbaga ko‘ra, 64 yoshli mutaxassisning "qaymoqranglilar" bilan tuzgan yangi shartnomasi 2026 yilning yoziga qadar amal qiladi.
Shu tariqa, italiyalik mutaxassis yaqin orada Braziliya terma jamoasida ishlamaydi, garchi avvalroq Braziliya futbol konfederasiyasi prezidenti Ednaldo Rodriges Anchelotti Amerika kubogidan keyin terma jamoani boshqarishini aytgan edi. Anchelotti Madrid klubini 2021 yilning yozidan buyon boshqarib kelmoqda. Bu davrda u Ispaniya chempionligini qo‘lga kiritdi, shuningdek, Chempionlar ligasida g‘olib chiqdi.