"Реал" бош мураббийи Карло Aнчелотти Мадрид клуби билан шартномасини узайтирди, деб хабар беради Relevo.

Манбага кўра, 64 ёшли мутахассиснинг "қаймоқранглилар" билан тузган янги шартномаси 2026 йилнинг ёзига қадар амал қилади.

Шу тариқа, италиялик мутахассис яқин орада Бразилия терма жамоасида ишламайди, гарчи аввалроқ Бразилия футбол конфедерацияси президенти Эдналдо Родригес Aнчелотти Aмерика кубогидан кейин терма жамоани бошқаришини айтган эди. Aнчелотти Мадрид клубини 2021 йилнинг ёзидан буён бошқариб келмоқда. Бу даврда у Испания чемпионлигини қўлга киритди, шунингдек, Чемпионлар лигасида ғолиб чиқди.