"Atalanta" bosh murabbiyi Jan Pyero Gasperini A Seriyaning 18-turidan o‘rin olgan "Lechche"ga qarshi bo‘lib o‘tadigan o‘yin haqida fikr bildirdi. Bergamoliklar 30 dekabr kuni o‘z maydonida Italiya janubidan kelgan jamoaga qarshi o‘ynaydi, uchrashuv Toshkent vaqti bilan 16:30da boshlanadi.

"Bu oson bo‘lmaydi, chunki "Lechche" turnir jadvalida 20 ochkoga ega va oxirgi turda chempionat peshqadami "Inter"ga muammo tug‘dirdi, garchi o‘yin "Juzeppe Measa" stadionida o‘tkazilgan bo‘lsa-da. O‘yinlarning qiyinligi qaysi jamoalar bilan to‘qnash kelishingizga qarab o‘zgaradi. Biroq, "Lechche" kabi klublar qolganlari bilan farqni yopdi; ular har qanday raqibga muammo tug‘dira oladi va munosib murabbiylarga ega. Agar siz eng yaxshi formada bo‘lmasangiz, ularni mag‘lub etish qiyin", - dedi Gasperini "Atalanta" rasmiy saytiga.

Italiya chempionatining 17-turidan o‘rin olgan “Inter” – “Lechche” uchrashuvi 2:0 hisobida milanliklar foydasiga hal bo‘ldi. “Atalanta” 26 ochko bilan turnir jadvalida 9-o‘rinda, “Lechche” 20 ochko bilan 12-o‘rinda bormoqda.