"Аталанта" бош мураббийи Жан Пьеро Гасперини А Сериянинг 18-туридан ўрин олган "Лечче"га қарши бўлиб ўтадиган ўйин ҳақида фикр билдирди. Бергамоликлар 30 декабрь куни ўз майдонида Италия жанубидан келган жамоага қарши ўйнайди, учрашув Тошкент вақти билан 16:30да бошланади.

"Бу осон бўлмайди, чунки "Лечче" турнир жадвалида 20 очкога эга ва охирги турда чемпионат пешқадами "Интер"га муаммо туғдирди, гарчи ўйин "Жузеппе Меаца" стадионида ўтказилган бўлса-да. Ўйинларнинг қийинлиги қайси жамоалар билан тўқнаш келишингизга қараб ўзгаради. Бироқ, "Лечче" каби клублар қолганлари билан фарқни ёпди; улар ҳар қандай рақибга муаммо туғдира олади ва муносиб мураббийларга эга. Агар сиз энг яхши формада бўлмасангиз, уларни мағлуб этиш қийин", - деди Гасперини "Аталанта" расмий сайтига.

Италия чемпионатининг 17-туридан ўрин олган “Интер” – “Лечче” учрашуви 2:0 ҳисобида миланликлар фойдасига ҳал бўлди. “Аталанта” 26 очко билан турнир жадвалида 9-ўринда, “Лечче” 20 очко билан 12-ўринда бормоқда.