"Milan" bosh murabbiyi Stefano Pioli iste’foga chiqarilishi mumkinligi haqidagi mish-mishlar fonida klubdagi kelajagi haqida gapirdi.
“Men bundan qo‘rqmayman. Men boshchiligimdagi jamoa o‘z salohiyatini to‘la namoyon etishini istardim.
Biz maydonda uzoqroq vaqt davomida yaxshi o‘yin namoyish qilishimiz kerak, o‘yinimiz esa ixchamroq bo‘lishi kerak", - deya Piolining so‘zlarini keltirmoqda TMW Radio.
Italiya A seriyasining 17-turidan so‘ng milanliklar 33 ochko jamg‘arib, uchinchi o‘rinda bormoqda. “Rossonerilar” peshqadam “Inter”dan 8 ochko ortda qolmoqda. Italiya chempionatining so‘nggi beshta uchrashuvida milanliklar uchta g‘alabaga erishdi, bir marta durang o‘ynadi va bir marta mag‘lub bo‘ldi.
