Londonning "Arsenal" klubi markaziy himoyachi Yakub Kiviorni boshqa klubga qo‘yib yuboradi.
23 yoshli futbolchi "kanonirlar"ning asosiy tarkibiga kirmaydi, shu bois, avval xabar qilinganidek, u o‘yin tajribasini olish uchun ijaraga berib yuboriladi.
Jurnalist Pit O'Rurkning yangilangan ma’lumotlariga ko‘ra, "Arsenal" Kiviorni uning o‘rniga boshqa futbolchi bilan shartnoma imzolash uchun yanvar oyida sotishga qaror qilgan. Polshalikka qiziqish Italiyaning "Milan" va "Roma" klublarida bor.
Yakub Kivior joriy mavsumda "Arsenal"ning 13 ta o‘yinida ishtirok etdi. Transfermarkt portali markaziy himoyachining narxini 25 million yevroga baholagan.
