Lionel Messi va Krishtianu Ronaldu o‘rtasidagi raqobat hali bardavom.

 Jumladan, maydon tashqarisida ham. Mana, Portugaliyalik yulduzda ham shaxsiy tansoqchi paydo bo‘ldi. U hatto «Inter Mayami» yulduziga «bog‘lab qo‘yilgan» bodigardga o‘xshash tashqi ko‘rinishi bilan...

Ashaddiy futbol muxlislari Yosin Chueko bilan tanishishganiga ancha bo‘ldi. Gap Devid Bekxem tomonidan Lionel Messi xavfsizligini ta’minlashga yollangan tansoqchi haqida ketmoqda. Baquvvvat va taqirbosh yigit - vaqtida Iroq va Afg‘onistonda harbiy xizmatda bo‘lgan sobiq dengiz zobiti. Chueko argentinalik yulduz tufayli birdaniga butun futbol olamiga tanildi. Zero, Yosin nafaqat kundalik hayotda Leoga hamrohlik qiladi, balki hattoki, o‘yinlar vaqti ham uning xavfsizligini ta’minlash uchun yelib-yuguradi. Ba’zida maydonga yugurib tushuvchilar yo‘lini «to‘sib qo‘yish» uchun esa jangovar san’atdan ham namuna ko‘rsatishiga to‘g‘ri kelmoqda. Deylik, Habibning do‘sti bitr gal Messiga yaqinlashgan muxlisni maydonning o‘zida «zararsizlantirdi».

Saudiya Arabistonidan olingan so‘nggi kadrlarga qaraganda, endi «Al-Nasr» hujumchisi Krishtianu Ronalduda ham shaxsiy tansoqchisi bor. E’tiborlisi, u hattoki, Messi bodigardiga ham o‘xshaydi tashqi ko‘rinishidan. To‘g‘ri, hozircha Ronalduga biriktirilgan qo‘riqchi haqida deyarli ma’lumot yo‘q. Lekin yaqin orada hammasi yuzaga sizib chiqishi aniq.