Shanba kuni “Manchester Siti” “Sheffild Yunayted” ustidan 2:0 hisobida g‘alaba qozonib, o‘z muxlislarini xursand qildi.
Avval xabar berganimizdek, o‘yin vaqtida “Etihad” futbol maydoniga sichqon yugurib chiqdi. “Manchester Siti” muxlislari “Manchester Yunayted” yetakchisi – Bruno Fernandeshni masxara qilish imkoniyatini qo‘ldan boy berishmadi.
"Brunoni "Etihad"ga kim taklif qildi?" – deb yozdi “Siti” muxlislaridan biri ijtimoiy tarmoqda.
"Bruno u yerda nima qilyapti?" - yana bir muxlis g‘oyani qo‘llab-quvvatladi. Sichqoncha bilan post ostida bunday sharhlarni ko‘p ko‘rishingiz mumkin.
Ayni damda “Manchester Siti” Angliya chempionati turnir jadvalida uchinchi o‘rinni egallab turibdi.
