«Real» klubi safida jarohatlangan futbolchilar ko‘pligiga qaramay, jamoa qishda himoyachi xarid qilmaydi.

"Marca" tarqatgan xabarga ko‘ra, «Madrid» bozorni o‘rganib ko‘rib, mudofaa chizig‘i uchun yangi futbolchini sotib olmaslik va ijaraga olmaslik haqida qaror qabul qildi.

Ayni paytda klub ixtiyorida ikki nafar markaziy himoyachi bor — Antonio Ryudiger va Nacho Fernandes. Klub yarim himoyachi Orelyen Tchuamenini himoyada o‘ynashga ko‘ndirdi.

Agar himoyaga yana boshqa o‘yinchi kerak bo‘ladigan bo‘lsa, «Real» yosh futbolchilar xizmatidan foydalanadi yoki boshqa pozisiyadagi o‘yinchilarni himoyaga o‘tkazadi. Madridliklar jarohat olgan Eder Militao mart oyi so‘ngida safga qaytishiga umid qilmoqda.