Angliya terma jamoasi va “Manchester Yunayted”ning sobiq hujumchisi Ueyn Runi ishsiz qoldi. 38 yoshli mutaxassis "Birmingem" bosh murabbiyi lavozimidan chetlatildi, deb xabar bermoqda The Sun.
Runi oktyabr oyida "Birmingem" jamoasiga kelgan edi. Uning qo‘l ostida jamoa 15 ta o‘yin o‘tkazib, ularda bor-yo‘g‘i ikkita g‘alaba, to‘qqizta mag‘lubiyat va to‘rtta durang qayd etilgan.
Oxirgi o‘yinda jamoa "Lids"dan yirik 0:3 hisobida mag‘lub bo‘ldi. Chempionatning 26-turidan so‘ng, “Birmingem” 28 ochko jamg‘arib, turnir jadvalida 20-o‘rinda bormoqda.
