Hujumchi Roberto Firmino qishki transfer oynasida klubini o‘zgartirishi mumkin.
Jurnalist Ekrem Ko‘nurning ijtimoiy tarmoqlarda xabar berishicha, “Korintians” “Al-Ahli”ning 32 yoshli futbolchisiga qiziqqan.
Shunday qilib, Firmino yaqin kelajakda vataniga qaytishi mumkin. 2023/2024 yilgi mavsumda Roberto Firmino 19 ta o‘yin o‘tkazdi.
Ularda hujumchi uchta gol urdi va uchta golli uzatmani amalga oshirdi.
Nufuzli Transfermarkt portali mutaxassislari futbolchini 10 million yevroga baholamoqda. Qo‘shimcha qilamizki, Firmino avval Yevropada "Xoffenxaym" va "Liverpul"da o‘ynagan.