"Kalyari" Italiya kubogining 1/8 finalida "Milan"ga yirik 4:1 hisobida yengildi. Sardiniyaliklar bosh murabbiyi Klaudio Ranyeri mag‘lubiyatga izoh berdi.

"Bu bizning o‘yinimiz emasligi aniq. Tarkibi optimaldan uzoq edi. Lekin o‘rinbosar sifatida maydonga tushganlardan ko‘proq narsani kutgandim. Uchrashuv boshlanishi yomon bo‘lmadi, lekin birinchi gol bizni sindirdi. Afsus”, - deya Ranyerining so‘zlarini keltiradi pianetamilan.it.

Keyingi o‘yinda sardiniyaliklar Italiya chempionatida "Lechche" bilan o‘ynaydi, bu 6 yanvar, shanba kuni sodir bo‘ladi.