"Кальяри" Италия кубогининг 1/8 финалида "Милан"га йирик 4:1 ҳисобида енгилди. Сардинияликлар бош мураббийи Клаудио Раньери мағлубиятга изоҳ берди.
"Бу бизнинг ўйинимиз эмаслиги аниқ. Таркиби оптималдан узоқ эди. Лекин ўринбосар сифатида майдонга тушганлардан кўпроқ нарсани кутгандим. Учрашув бошланиши ёмон бўлмади, лекин биринчи гол бизни синдирди. Афсус”, - дея Раньерининг сўзларини келтиради pianetamilan.it.
Кейинги ўйинда сардинияликлар Италия чемпионатида "Лечче" билан ўйнайди, бу 6 январь, шанба куни содир бўлади.
