"Real Madrid" murabbiylar shtabi markaziy himoyachi pozisiyasini kuchaytirish uchun rahbariyatga uchta nomzodni taklif qildi, deb xabar beradi The Athletic nashri.
Manbaga ko‘ra, madridliklar murabbiylari "Manchester Yunayted"da o‘ynayotgan sobiq "Real" himoyachisi Rafael Varan, uning jamoadoshi Viktor Lindelyof va "Real"da 2009 yildan 2013 yilgacha faoliyat olib borgan 38 yoshli "Vilyarreal" himoyachisi Raul Albiolni tavsiya qilishdi.
Qayd etilishicha, bir necha haftalik tahlillardan so‘ng klub taklif etilgan nomzodlarning hech biri mos emas degan qarorga kelgan.
La Liganing joriy mavsumida "Real" 18 o‘yindan keyin 45 ochko bilan birinchi o‘rinda bormoqda. 3 yanvar kuni madridliklar "Malyorka"ga qarshi bahs olib boradi.
