"Реал Мадрид" мураббийлар штаби марказий ҳимоячи позициясини кучайтириш учун раҳбариятга учта номзодни таклиф қилди, деб хабар беради The Athletic нашри.
Манбага кўра, мадридликлар мураббийлари "Манчестер Юнайтед"да ўйнаётган собиқ "Реал" ҳимоячиси Рафаэль Варан, унинг жамоадоши Виктор Линделёф ва "Реал"да 2009 йилдан 2013 йилгача фаолият олиб борган 38 ёшли "Вильярреал" ҳимоячиси Раул Альбиолни тавсия қилишди.
Қайд этилишича, бир неча ҳафталик таҳлиллардан сўнг клуб таклиф этилган номзодларнинг ҳеч бири мос эмас деган қарорга келган.
Ла Лиганинг жорий мавсумида "Реал" 18 ўйиндан кейин 45 очко билан биринчи ўринда бормоқда. 3 январь куни мадридликлар "Мальорка"га қарши баҳс олиб боради.
