"Chelsi"ning chap qanot himoyachisi Yan Matsen qishki transfer oynasida sotilishi mumkin.

"Ko‘klar" rahbariyati tarkibni qisqartirish uchun bir qator savdolarni amalga oshirishni rejalashtirmoqda va gollandiyalik bulardan biridir.

Jurnalist Ben Jeykobsning xabar berishicha, "Chelsi" Matsenni sotishdan 31,5 million funt sterling (36 million yevrodan sal ko‘proq) daromad olmoqchi.

21 yoshli futbolchiga Dortmundning "Borussiya" klubi qiziqish bildirmoqda, ammo nemis klubi to‘liq transfer o‘rniga ijaraga olishni talab qilmoqda.

Yan Matsen joriy mavsumda "Chelsi"ning 15 o‘yinida ishtirok etdi. Transfermarkt portali futbolchining narxini 20 million yevroga baholaydi.