"Челси"нинг чап қанот ҳимоячиси Ян Матсен қишки трансфер ойнасида сотилиши мумкин.
"Кўклар" раҳбарияти таркибни қисқартириш учун бир қатор савдоларни амалга оширишни режалаштирмоқда ва голландиялик булардан биридир.
Журналист Бен Жейкобснинг хабар беришича, "Челси" Матсенни сотишдан 31,5 миллион фунт стерлинг (36 миллион евродан сал кўпроқ) даромад олмоқчи.
21 ёшли футболчига Дортмунднинг "Боруссия" клуби қизиқиш билдирмоқда, аммо немис клуби тўлиқ трансфер ўрнига ижарага олишни талаб қилмоқда.
Ян Матсен жорий мавсумда "Челси"нинг 15 ўйинида иштирок этди. Трансфермаркт портали футболчининг нархини 20 миллион еврога баҳолайди.
