"Barselona" rahbariyati mavsumning ikkinchi yarmi uchun chiptalar narxini pasaytirishga qaror qildi - bu tomoshabinlar klubning yangi yulduzi braziliyalik Vitor Rokeni ko‘rish uchun tez-tez stadionga tashrif buyurishlari uchun qilingan.
Biroq avvalroq klubda “Kamp Nou” vaqtincha foydalanilmayotgani sababli tashrif bilan bog‘liq muammolar yuzaga kelgani ma’lum bo‘lgandi. Bu ham Joan Laportani bu qarorga kelishiga turtki bergan omil.
Ammo "Barselona" chempionatdagi navbatdagi o‘yinini o‘z uyida emas, Kanar orollarida - "Las-Palmas" bilan o‘tkazadi. Bu bugun, 4 yanvar kuni tunda sodir bo‘ladi. Jamoa hozirda chempionatda uchinchi o‘rinni egallab turibdi.