«An-Nasr» hujumchisi Krishtianu Ronaldu Birlashgan Arab Amirliklarida ko‘chmas mulk xarid qildi. U Dubay shahridagi «milliarderlar oroli»da joylashgan.

Ko‘chmas mulkka bo‘lgan egalik huquqi bir yil davomida portugaliyalik futbolchiga o‘tadi. Uning narxi hozircha oshkor qilinmadi. Ammo mulk bir necha o‘n million yevroga baholangan.

Odatda «milliarderlar oroli»dagi ko‘chmas mulk 3 gektar yer, 6 ta yotoqxona, sohil bo‘yiga chiqish yo‘lagi, 7 ta avtomobilga mo‘ljallangan turar joy, basseyn, xodimlar uchun yashash joylari va boshqa qulayliklarga ega bo‘ldi.

Ayni paytda Saudiya Arabistoni chempionatida o‘ynayotgan Ronaldu jahonning eng ko‘p maosh oluvchi futbolchisi hisoblanadi.