Rossiya futbol ittifoqi (RFI) bosh kotibi Maksim Mitrofanov Rossiya o‘smirlar terma jamoalari 2024 yilda Yevropa futbol assosiasiyalari ittifoqining (UYEFA) taraqqiyot turnirlarida ishtirok etishlari mumkinligini aytdi.
"Bu yil biz UYEFA taraqqiyot turnirlarida qatnashamiz. Umid qilamanki, ikkita turnirda ishtirok etamiz. Birinchisi Turkiyada 15 yoshgacha bo‘lgan futbolchilar o‘rtasida terma jamoalar ishtirokida bo‘lib o‘tadi, biz UYEFAdan tasdiqlashni kutmoqdamiz", — dedi Mitrofanov "TASS" bilan suhbatda.
Eslatib o‘tamiz, 2023 yilda Rossiya o‘smirlar terma jamoalari UYEFA tomonidan uchta rivojlanish turnirida ishtirok etishgan. Turnirlardan biri Rossiyada, Volgogradda bo‘lib o‘tdi. Musobaqa tarixda birinchi marta Rossiyada o‘tkazildi.
2022 yil fevral oyi oxirida Xalqaro futbol federasiyasi (FIFA) va Yevropa futbol assosiasiyalari ittifoqi (UYEFA) Ukrainadagi vaziyat tufayli Rossiya terma jamoalari va klublarini xalqaro turnirlarda ishtirok etishni to‘xtatgandi.
