Россия футбол иттифоқи (РФИ) бош котиби Максим Митрофанов Россия ўсмирлар терма жамоалари 2024 йилда Европа футбол ассоциациялари иттифоқининг (УЕФА) тараққиёт турнирларида иштирок этишлари мумкинлигини айтди.
"Бу йил биз УЕФА тараққиёт турнирларида қатнашамиз. Умид қиламанки, иккита турнирда иштирок этамиз. Биринчиси Туркияда 15 ёшгача бўлган футболчилар ўртасида терма жамоалар иштирокида бўлиб ўтади, биз УЕФАдан тасдиқлашни кутмоқдамиз", — деди Митрофанов "ТАСС" билан суҳбатда.
Эслатиб ўтамиз, 2023 йилда Россия ўсмирлар терма жамоалари УЕФА томонидан учта ривожланиш турнирида иштирок этишган. Турнирлардан бири Россияда, Волгоградда бўлиб ўтди. Мусобақа тарихда биринчи марта Россияда ўтказилди.
2022 йил февраль ойи охирида Халқаро футбол федерацияси (ФИФА) ва Европа футбол ассоциациялари иттифоқи (УЕФА) Украинадаги вазият туфайли Россия терма жамоалари ва клубларини халқаро турнирларда иштирок этишни тўхтатганди.
