"Tottenxem" "Leypsig"dan Timo Vernerni ijaraga olishga rozi bo‘ldi.
Oldinroq klublar forvardning transferi borasida muzokaralar olib borayotgani haqida xabar berilgandi. Verner Anj Postekoglu boshchiligida ishlamoqchi bo‘lgani uchun bu ko‘chishga rozi bo‘ldi.
The Athletic nashri xabariga ko‘ra, "Tottenxem" va "Leypsig" o‘rtasidagi muzokaralar yakuniy pallada. Premyer-liga klubi Vernerni 15-20 million yevroga sotib olish huquqi bilan mavsum oxirigacha ijaraga oladi.
Ma’lum qilinishicha, Verner yaqin orada "Tottenxem"da tibbiy ko‘rikdan o‘tadi. Klub hujumchining ijara davridagi maoshi uchun to‘liq javobgarlikni o‘z zimmasiga oladi.
Bundesliganing joriy mavsumida Verner 8 ta o‘yin o‘tkazib, o‘rtacha 25 daqiqa o‘ynadi va 2 ta gol urdi.
