«Surxon» klubining uzoq yillik muxlislari braziliyalik futbolchi Lukas de Oliveyrani yaxshi bilishadi. Lukas 2019 yilning ikkinchi yarmida «Surxon» sharafini himoya qildi. Ayni vaqtda braziliyalik futbolchi Kosovo chempionatida o‘ynamoqda va u hali ham jamoamizni hurmat qiladi. «Surxon» matbuot xizmati Lukas bilan suhbatlashdi va qisqacha intervyu uyushtirdi.

— Lukas, «Surxon»dagi faoliyatingiz haqidagi xotiralaringiz bilan o‘rtoqlashing...
— «Surxon»da juda baxtli bo‘ldim, afsuski, moslashib ketish men uchun mushkul bo‘ldi va men ketishga majbur bo‘lganim achinarli! Bir kun kelib, kim biladi, balki men «Surxon»da yana o‘ynayman!

— Termiz shahri va muxlislar haqida nima deya olasiz?
— Muxlislar ajoyib! Har doim jamoani boshidan oxirigacha qo‘llab-quvvatlashadi. Menda klubga va ayniqsa muxlislarga mehrim baland.

— Hozirgi kunda «Surxon» haqida o‘yinlarni ko‘rib,  jamoamiz haqida ma’lumotlarni ko‘rasizmi?
— Ha, men jamoani doimo kuzatib boraman, menga klub juda yoqadi va do‘stlar orttirdim! Ko‘rdimki, vaqtimda men bilan birga o‘ynagan bittagina qanot himoyachisi Behruz Shaydulov qolgan. Behruz juda iqtidorli futbolchi.

— Jamoa va muxlislarga tilaklaringiz.
— «Surxon»ga faqat yaxshi niyatlarni tilayman va umid qilamanki, »Surxon" ko‘plab unvonlarni qo‘lga kiritadi.