«Сурхон» клубининг узоқ йиллик мухлислари бразилиялик футболчи Лукас де Оливейрани яхши билишади. Лукас 2019 йилнинг иккинчи ярмида «Сурхон» шарафини ҳимоя қилди. Айни вақтда бразилиялик футболчи Косово чемпионатида ўйнамоқда ва у ҳали ҳам жамоамизни ҳурмат қилади. «Сурхон» матбуот хизмати Лукас билан суҳбатлашди ва қисқача интервью уюштирди.

— Лукас, «Сурхон»даги фаолиятингиз ҳақидаги хотираларингиз билан ўртоқлашинг...
— «Сурхон»да жуда бахтли бўлдим, афсуски, мослашиб кетиш мен учун мушкул бўлди ва мен кетишга мажбур бўлганим ачинарли! Бир кун келиб, ким билади, балки мен «Сурхон»да яна ўйнайман!

— Термиз шаҳри ва мухлислар ҳақида нима дея оласиз?
— Мухлислар ажойиб! Ҳар доим жамоани бошидан охиригача қўллаб-қувватлашади. Менда клубга ва айниқса мухлисларга меҳрим баланд.

— Ҳозирги кунда «Сурхон» ҳақида ўйинларни кўриб,  жамоамиз ҳақида маълумотларни кўрасизми?
— Ҳа, мен жамоани доимо кузатиб бораман, менга клуб жуда ёқади ва дўстлар орттирдим! Кўрдимки, вақтимда мен билан бирга ўйнаган биттагина қанот ҳимоячиси Беҳруз Шайдулов қолган. Беҳруз жуда иқтидорли футболчи.

— Жамоа ва мухлисларга тилакларингиз.
— «Сурхон»га фақат яхши ниятларни тилайман ва умид қиламанки, »Сурхон" кўплаб унвонларни қўлга киритади.