"PSJ" Joshua Kimmixga qiziqish bildirmoqda.
L'Equipe xabariga ko‘ra, fransuz klubi Nordi Mukiyela bo‘yicha muzokaralar doirasida Kimmixni qo‘yib yuborishga "Bavariya"ni ishontirishga harakat qilmoqda. "PSJ" nemis futbolchisining transferi uchun katta miqdorda pul to‘lashga tayyor.
Qayd etilishicha, "PSJ" Kimmixning ko‘p qirraliligini, shuningdek, uning yetakchilik fazilatlarini qadrlaydi. Futbolchi, o‘z navbatida, xorij chempionatlarida o‘zini sinab ko‘rish imkoniyatini istisno etmayapti. Biroq yarim himoyachining qishda "Bavariya"dan ketish ehtimoli past, chunki u Myunxen klubi uchun muhim futbolchi bo‘lib qolmoqda.
Kimmixning "Bavariya" bilan shartnomasi 2025 yilgacha mo‘ljallangan.
Joriy mavsumda Kimmix Bundesliganing 11 ta uchrashuvida 1 ta gol va 3 ta golli uzatmani amalga oshirdi.