Portugaliya U-19 futzal terma jamoasining 16-yoshli futzalchisi Joau Kardosu O‘zbekiston bilan bo‘lib o‘tadigan ikki bahs borasida to‘xtalib o‘tdi.

Joau terma jamoaga qaytmoqda va ushbu imkoniyatdan mamnun: «Bu juda ajoyib bo‘ldi, meni juda yaxshi kutib olishdi. Men hamkasblarimning aksariyatini tanirdim. Men qo‘limdan kelganini qilmoqchiman, o‘rganmoqchiman, rivojlanmoqchiman va jamoaga g‘alaba qozonishga yordam beraman», deb boshladi u.

16 yoshli futzalchining so‘zlariga ko‘ra, O‘zbekiston bilan ikki uchrashuv o‘sish uchun ajoyib imkoniyat hisoblanadi: «Portugaliya allaqachon O‘zbekistonning oldingi avlodi bilan duch kelgan. Ushbu 2ta o‘yindan umidim katta, yordam berishga tayyorman, bu xalqaro o‘yinlar hisoblanadi va bu har doim murakkab, va o‘sish uchun ajoyib imkoniyatdir», deya qo‘shimcha qildi u.

«Equipa Das Quinas» (Portugaliya futzal mtj laqabi - «Beshlik jamoasi») formasidagi debyuti oldidan yosh futbolchi orzusini amalga oshirishga yaqin ekanligini aytdi: «Men har doim shu daqiqada xohlaganman va ishlaganman. Bolaligimdan Portugaliya sharafini himoya qilishni maqsad qilganman», dedi u.

Joau, futzalga bo‘lgan ehtirosini egizak akasi Armamar bilan bo‘lishishini tan oladi: «Akam darvozabon, kichkinaligimizdan biz doimo o‘ynardik: u darvozada edi, men esa to‘pni tepardim. Bizning bolaligimiz shunday o‘tdi. U menga bu imkoniyatdan foydalanishimni aytdi».